سلامة القلب و صفاء الصدر

من الروائع و الرقائق

راجل حيل

كنا جايبين راجل بتاع تنجيد
وصنيعي شاطر دماغة شغالة حلو قوي
في الحسابات و في الشغل
المهم بعد ما اتفقنا معاه جه يشتغل
جاب معاه راجل في سن الثلاثين فما فوق
المهم الراجل ده حيل قوي
لا بيعرف يشتغل ولا بيفكر
مش عارف هو بيعمل ايه
معطل مخه ويمكن اساسا عقله على قده

سبحان الله
مين يقول ان الراجل يقدر يحصل على شغل ولقمة عيش في الدنيا الغابة دي؟
لو الرزق بالشطارة و الفهلة مكن خد منها كسرة خبز
بس ربنا كريم ومش بينسى حد ابدا
وكل واحد مكتوبله رزقة
وما انت الا بحث عنه
فسبحان الله مخرج الطيور في الصباح خاوية البطون فتعود وقد شبعت من حيث لا تعلم

التسبيح

زمان كنت بستغرب ايه التسبيح ده ؟
ايه فائدته ؟
ليه يتقال في السجود
ويتقال في الركوع
ويتقال في الشروق والغروب

طيب الحمد معروف شكر وصفة جميلة
و التكبير اعظام
و الاستغفار لطلب المغفرة

و التسبيح ؟
فعلمت ان التسبيح هي عبادة اهل الجنة
يعني ده من النعم الجميلة اللي في الجنة
قد ايه هو عظيم وتقديس للخالق

و بالتالي حببته جدا وسالتزمه باذن الله
سبحان الله ، سبحان ربي الاعلى ، سبحان ربي العظيم
^___^

رحمة ربنا بينا

الحمد لله دائما وابدا
الحمد لله على منحه في ثوب محنة
صحيح عاطل
وصحيح مفيش دخل
وصحيح مش لاقي شغل في تخصصي اللي بحبه وبذلت وقت كبير في اني اتخصص فيه
بس تعالى شوف بقة المنحة في المحنة دي شكلها ايه
الحمد لله شركة بتطلب تدربني و بنزل معاهم مواقع وبشوف التعامل ازاي
خبرة على ارض الواقع
كمان انا حر لسه مبقتش مقيد
كمان في مجالات كتير قدامي ممكن اندمج فيها
صحيح شركة كارفور مش تخصصي قوي ومرتبها زهيد بالنسبة لتخصصي
بس بردو يكفيني نجاح اني اجتزت اختباراتها الحمد لله
وكمان هاخد فيها خبرة

وبردو كلده ميمنعش اني بجمع معلومات لحين ربنا يكرمنا ونقدر نحقق حلمنا
سواء بشركة متخصصة او مصنع في مجالي او بحث ينهض بالعالم الاسلامي

الحمد لله
صحيح اعزب وكدا و الامر مش بسيط
بس بردو ده دليل على وجود حرية كبيرة وعدم اشتراط بوجود مسؤلية
الحمد لله

وصيتي

هذه وصيتي 

بدأت في كتابتها بتاريخ

  الخميس 18 يوليو 2013 م 
10 / 9 / 1434 هـ

و انتهيت من كتابتها 

الأحد 28 يوليو  2013 م

20 / 9 / 1434 هـ

وذلك في ميدان الصمود و الثبات رابعة العدوية
وهي سارية حتى اكتب غيرها مضاف اليها 

أن العزاء قاصر على تشيع الجنازة

رزقنا الله و اياكم 

الصدق و الإخلاص و القبول و حسن الخاتمة

لماذا

دائما مع السماح لاخرين من التحكم بحياتك تحتاج الى زاوية منعزلة تمارس بها انفراداتك 

دون تدخل

دون وصاية 

فكانت هنا 

ليس رفضا للأخر 

و انما هو حق شخصي

رؤيا جديدة للذات

فكانت "دواخلي"

بسم الله نبدأ

أول مشاركة بإذن الله